Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Martes, 29 de octubre de 2019 | Leída 24 veces
DEPUTACIÓN DA CORUÑA

Tres bandas e tres solistas optarán aos premios da cuarta edición do Quero Cantar da Deputación da Coruña

A gala final terá lugar o vindeiro 24 de novembro no Teatro Colón da Coruña. As finalistas son bandas de Caión, Laxe e Ames e solistas de Sada, A Coruña e Vila de Cruces…

[Img #49910]

 

Bandas de Caión, Laxe e Ames na categoría e infantil e solistas de Sada, A Coruña e Vila de Cruces no xuvenil son as finalistas da cuarta edición do certame de música infantil e xuvenil da Deputación da Coruña, Quero Cantar. A final terá lugar no Teatro Colóon da Coruña o día 24 ás 17.30 horas nunha gala conducida por Sole Felloza na que Magín Blanco e a Banda das Apertas protagonizarán a actuación convidada.

 

Os músicos Pablo Díaz, Paco Nogueiras e César Freira, a cantante Xoana e a mestra e tamén música Bárbara Mourelo,  compuxeron o xurado  presidido polo deputado de Cultura, Xurxo Couto e coa xefa de servizo de Cultura da Deputación da Coruña, Mercedes Fernández Albalat como secretaria, que escolleu as cinco

bandas de cada categoría, infantil e xuvenil, que pasarán a formar parte do do disco Quero Cantar 19,  e, de entre esas cinco, as tres primeiras en cada categoría que o próximo 24 de novembro, a partir das 17.30, terán que defender en directo o seu tema ante o público do Tteatro Colón para decidir os premios da nova edición.

 

As bandas infantís finalistas desta nova edición son: "A música das baleas", do Ceip de Caión, co tema "A peor xogada"; Rap-osiños, grupo da escola municipal de música de Laxe, coa canción "Panchita blues"  e  Baroubanda, alumnado de guitarra do Ceip A Barouta, en Ames.

 

Na categoría xuvenil elixíronse como finalistas tres solistas: Veiga, de Sada, coa canción "A ilusión dun porvir", na que o artista canta e toca a guitarra; Isma Kalo, nome artístico de xove coruñesa Laura Marín, co seu tema "A quen lle importa?", interpretado tamén con voz e guitarra e finalmente a pianista Noa, de Vila de Cruces, segunda clasificada na edición xuvenil do ano pasado, e que este ano volverá estar no teatro Colón co tema "As ondas do mar".

 

Os premios aos que aspiran estes seis finalistas son de 1500 euros para a compra de material musical e mais a gravación dun videoclip para os primeiros clasificados de cada categoría; e 1000 e 500 euros para compra de material, respectivamente os segundos e terceiros clasificados de cada categoría. Grupos e solistas actuarán ante un novo xurado que para esa ocasión estará formado por rapaces e rapazas de idades parellas ás dos participantes, ata 12 anos na categoría infantil e entre 13 e 16 anos a xuvenil.

 

O  CD recompilatorio do certame coas dez cancións finalistas distribuirase nos colexios públicos.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress