Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Miércoles, 9 de octubre de 2019 | Leída 29 veces

Formalizado o contrato de execución do proxecto de mellora dos accesos á praia de Caión

Habilitaranse carrís diferenciados para cada sentido de circulación e unha senda peonil. Está valorado en máis de 75.000 euros...

[Img #49730]

O alcalde do Concello da Laracha, José Manuel López Varela, e o representante da empresa Gestal y López S.L., formalizaron o contrato de execución do proxecto que suporá a mellora dos accesos á praia de Caión desde a Avenida da Laracha. O Concello acordara coa empresa aprazar o inicio das actuacións ata despois do verán e as Festas dos Milagres. Agora, unha vez completada a tramitación administrativa, nos próximos días comezarán a desenvolverse as obras previstas.

 

O proxecto inclúe tanto a mellora dos itinerarios para viandantes como do ámbito de circulación dos vehículos. Así, a plataforma da calzada será ampliada para poder dispoñer de dous carrís diferenciados, un por cada sentido de circulación. Deste xeito facilitaranse as comunicacións tanto en dirección de entrada ao areal como de saída, evitándose desviar o tráfico polo núcleo de A Pedreira en temporada alta e, por tanto, resolvendo as molestias que iso supoñía para a veciñanza desa zona. Tamén se contempla a sinalización horizontal e vertical para reforzar a seguridade viaria en todo o ámbito.

 

Ademais, crearase un espazo peonil de 250 metros de lonxitude que conectará coa beirarrúa existente na Avenida da Laracha, dándolle continuidade ata a praia, o que suporá unha mellora substancial dos accesos a pé.

 

O proxecto está valorado en 75.309,58 euros e será cofinanciado entre o Concello da Laracha e a Deputación da Coruña. Para poder levar a cabo esta actuación o Concello adquirira previamente os terreos afectados pola actuación.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress