Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Domingo, 6 de octubre de 2019 | Leída 20 veces

O Concello avanza na construción dunha das pistas polideportivas xunto ao IES Agra de Leborís

As obras xa están practicamente rematadas. Ao seu carón será construída outra pista polideportiva e nesta zona tamén estase a realizar a apertura dunha nova estrada...

[Img #49692]

 

O Concello da Laracha continúa desenvolvendo os proxectos contemplados no Plan especial de equipamentos educativos que se está a acometer no entorno do IES Agra de Leborís e que implican a construción de novas infraestruturas deportivas públicas e a mellora das comunicacións rodadas na zona.

 

O alcalde, José Manuel López Varela, e o concelleiro de Urbanismo e Obras Públicas, Jesús Souto, acudiron ao lugar no que se están a realizar os traballos para comprobar que a construción dunha das pistas polideportivas está practicamente rematada. As obras estanse a completar cos accesos cara a nova infraestrutura.

 

Cabe lembrar que xunto a esta pista está proxectado crear outra de dimensións regulamentarias para dispoñer de dúas pistas polideportivas de diferentes tipoloxías que serán complementarias entre si ao estar equipadas para adaptar o seu uso aos diferentes grupos de idade.

 

Tal e como explicara recentemente o alcalde, ambas infraestruturas deportivas non estarán vinculadas ao instituto porque están ao seu carón pero por fora, pero si que poderían programarse nelas actividades desde o centro de ensino durante o horario lectivo.

 

Ademais, o outro dos proxectos que previsto nesta zona é a apertura dunha nova estrada que comunicará a Avenida Manuel Fraga coa rúa Maruja Mallo (antiga 1ª travesía doutor López Astray), e que levará consigo a mellora das comunicacións e o reforzamento da seguridade viaria ao posibilitar a creación dun novo acceso para os autobuses do transporte escolar pola parte posterior do instituto.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress