Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Domingo, 2 de junio de 2019 | Leída 17 veces

Dezaseis persoas participantes no programa integrado de emprego xa accederon a un posto de traballo

O proxecto Impulsa emprego A Laracha está subvencionado pola Consellería de Economía, Emprego e Industria. Xa se completaron sete dos doce meses dos que consta o programa. O obxectivo de integración laboral é do 45% dos cen participantes...

Impulsa emprego A Laracha, o programa integrado de emprego que se desenvolve no Concello da Laracha e que está subvencionado pola Consellería de Economía, Emprego e Industria, cumpre os seus primeiros sete meses de actividade nos que se desenvolveron accións innovadoras de orientación profesional, asesoramento e intermediación laboral co propósito de facilitar a inserción no mercado laboral dos seus participantes.

 

Durante este tempo leváronse a cabo iniciativas de formación transversal en novas tecnoloxías e idiomas estranxeiros, formación específica para mellorar as competencias profesionais e obradoiros relacionados coa realización de currículos, preparación de entrevistas de traballo, busca de emprego en liña e técnicas de coaching e intelixencia emocional, entre outros contidos. En agosto desenvolveranse os últimos con contidos dirixidos ao emprendemento.

 

Estas accións formativas son xestionadas polas cinco persoas (coordinadora, orientadores/prospectores e auxiliar administrativa) encargadas da xestión de Impulsa emprego A Laracha e que tamén deseñaron os itinerarios profesionais personalizados para cada un dos cen participantes neste programa integrado de emprego.

 

Precisamente estes itinerarios son esenciais para a seguinte fase formativa, xa que determinarán en que sectores os participantes realizarán nas empresas colaboradoras as prácticas profesionais non laborais. As posibilidades son almacén e loxística, fabricación e montaxe en cadea, administración e servizos (xa se completou a primeira quenda e estase desenvolvendo a segunda), contabilidade e fiscalidade e, por último, novas tecnoloxías. Cada participante debe realizar, canda menos, tres destes itinerarios.

 

Con Impulsa emprego A Laracha o Concello e a Xunta de Galicia márcanse como obxectivo a inserción no mercado laboral do corenta e cinco por cento. Cando se levan completados sete meses dos doce dos que consta este programa integrado de emprego, dezaseis das cen persoas participantes xa accederon a un posto de traballo.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress