Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Jueves, 16 de mayo de 2019 | Leída 39 veces

Feijóo destaca que a colaboración institucional entre a Xunta e o Concello de Arteixo facilitará a Estrella Galicia facer unha reserva de solo no Polígono de Morás

Salienta que o protocolo de intencións asinado coa compañía demostra que Galicia é un lugar atractivo para investir e crear emprego. Agradece o compromiso de Hijos de Rivera coa Comunidade e incide en que na súa aposta por Galicia hai “unha mestura de corazón, porque o seu corazón é galego, e de cabeza e razón, porque se necesita manter a fidelidade pero con viabilidade económica e empresarial”...

[Img #48486]

 

O presidente do Goberno galego, Alberto Núñez Feijóo, destacou onte que a colaboración entre a Xunta de Galicia, o Concello de Arteixo e a empresa Hijos de Rivera S.A. facilita que esta compañía faga unha reserva de solo no Polígono de Morás.

 

Así o afirmou tras a sinatura dun protocolo no que Estrella Galicia amosa a súa intención de desenvolver un posible novo emprazamento neste polígono industrial de Arteixo, e engadiu que pasos coma este son posibles grazas á implicación das Administracións para facilitar solo empresarial aos investidores.

 

Neste caso en concreto, salientou que é posible grazas ao desenvolvemento do Parque Empresarial de Morás, contemplado no Plan sectorial de ordenación de áreas empresarias de Galicia que foi aprobado en 2014 e que ofrece incentivos para o asentamento empresarial.

 

Deste xeito, no caso de que Estrella Galicia complete a adquisición do solo reservado a través do protocolo asinado no día de hoxe, a empresa poderíase beneficiar dunha bonificación do 30%. Noutros polígonos, estes incentivos económicos poden alcanzar ata o 50%. 


Máis polo miúdo, o presidente da Xunta explicou que a intención da compañía de adquirir solo industrial en Arteixo apuntala a Galicia como un lugar onde crecer e crear emprego. “Os galegos podemos celebrar que Estrella Galicia vexa na nosa terra un lugar apto para investir”, valorou.

 

Finalmente, Feijóo quixo agradecer o compromiso de Hijos de Rivera coa Comunidade incidindo en que na súa aposta por Galicia hai “unha mestura de corazón, porque o seu corazón é galego, e de cabeza e razón, porque se necesita manter a fidelidade pero con viabilidade económica e empresarial”, ao que engadiu que esta compañía é un claro exemplo de marca que funciona como embaixada e divulga os valores positivos dunha comunidade. Nese sentido, sinalou que os traballadores, directivos, propietarios e clientes desta empresa evidencian cada día que no mundo global ter raíces é un valor engadido.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress