Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Martes, 7 de mayo de 2019 | Leída 17 veces
DEPUTACIÓN DA CORUÑA

A Coruña afiánzase como destino turístico na Feira Ibérica da Guarda

O deputado de Turismo, Xosé Regueira, considera que se cumpriron os obxectivos de promoción do territorio en Portugal...

[Img #48412]“Cumprimos co obxectivo que tiñamos como destino convidado de traer á Guarda unha mostra do que é o territorio, así como tamén a gastronomía da provincia”. Así resume o deputado provincial de Turismo, Xosé Regueira, o paso da Área de Turismo da Deputación da Coruña pola Feira Ibérica, que se celebrou durante a pasada fin de semana na Guarda, e na que a institución galega participou como destino convidado.

 

Ademais do deputado de Turismo, Xosé Regueira,  participaron nos distintos actos da FIT o alcalde de Oroso, Manuel Mirás, co deputado e concelleiro Antonio Leira, o alcalde de Laxe, José Manuel Mouzo e a alcaldesa de Moeche, Beatriz Bascoy.

 

Un programa de degustacións de produtos de calidade, demostracións e showcookings coordinado pola área de Turismo da Deputación da Coruña promoveu unha variada oferta de interese turístico na Feira Ibérica da Guarda que se desenvolveu do 2 ao 5 de maio. Así, o espazo expositivo da Deputación foi dos máis visitados do recinto, con especial afluencia nos momentos en que se desenvolveron actividades e mostras co fin de atraer representantes do sector fundamentalmente no ámbito luso.

 

Como vén sendo habitual na presenza en feiras turísticas, a Deputación da Coruña actuou como medio para a participación activa dos concellos na feira, e, neste sentido, representantes institucionais municipais asistiron ao encontro da Guarda e se involucraron na preparación e oferta dos seus propios produtos.

 

Co obxectivo de promocionar a gastronomía contemporánea, a institución galega apostou por levar por primeira vez á Guarda ao colectivo "Coruña Cociña", que tivo unha presenza singular  e exitosa no programa da FIT con presentacións e showcookings a cargo dos cociñeiros Chisco Jiménez, Álvaro Gantes, Pablo Pizarro, Tino Otero ou Antonio Amenedo.


Así mesmo, a maridaxe de produtos dos concellos do Camiño Inglés como as troitas de Oroso, as mostras das empanadas de Carballo, concello que tamén achegou pan de ovo e o seu tradicional pan, as troitas de Zas e os queixos da Capela e Moeche foron algúns dos outros produtos gastronómicos que se converteron en estrela da oferta do sector no amplo programa da feira.

 

Ademais, nos espazos reservados pola Deputación da Coruña animaron a oferta propostas como o asalto ao Castelo de Vimianzo, a olería de Buño ou a actividade artesanal das redeiras de Malpica.  Os concellos de Moeche, A Capela, Malpica, Carballo, Ponteceso, Laxe, Oroso, Vimianzo e Camariñas tiveron, desta maneira, unha presenza activa no evento, protagonizando actividades específicas de preparación, degustación e mostra de produtos aínda que, a través da Deputación, difundíronse na Guarda a oferta da totalidade do territorio a través dos seis xeodestinos que conforman a estratexia promocional da área de Turismo da Deputación.
 

Xunto á programación de presentacións e propostas turísticas, a Deputación da Coruña tamén achegou á FIT un programa cultural con actividades relacionadas co contido do evento como a realización dun mural nas inmediacións da feira a carga de dous artistas locais carballeses, o espectáculo de maxia de Álex Louzao, os contacontos de Pedro Brandariz ou "Saaabor" de Fran Rei e Félix Rodríguez, dirixida por Avelino González. 


“Ofrecemos tamén unha parte da dinamización da feira, cun programa diverso e intenso con actuacións e presentacións de todo tipo. Así, os asistentes á FIT tiveron a oportunidade de coñecer as nosas tradicións pero tamén os nosos produtos e empresas da terra. Eu creo que podemos marchar da Guarda satisfeitos e o papel da Coruña foi un papel singular e importante”, destacou Regueira.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress