Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Sábado, 6 de abril de 2019 | Leída 27 veces

O portal de emprego municipal alcanza as 477 persoas e 255 empresas rexistradas

A web facilita a comunicación entre os demandantes e ofertantes de emprego. Actualmente hai vixentes 62 ofertas de postos de traballo...

O portal municipal de emprego que o Concello da Laracha ten operativo no dominio www.alaracha.es/emprego está a presentar un notable aumento tanto no número de persoas e empresas rexistradas como na cantidade de ofertas de traballo.

 

A través deste portal de emprego creouse un novidoso servizo municipal de colaboración entre o propio Concello da Laracha –a través da Axencia de Emprego e Desenvolvemento Local, que xestiona a bolsa de emprego-, os demandantes e os ofertantes de postos de traballo.

 

As persoas usuarias do portal poden consultar as ofertas de emprego, as novas máis relevantes nesta materia, solicitar calquera dos servizos que ofrece a Axencia de Emprego e Desenvolvemento Local municipal e xestionar o seu currículum vitae e envialo directamente desde a propia plataforma.

 

No caso das empresas rexistradas, poden publicar as súas ofertas de emprego de xeito gratuíto e acceder aos perfís das persoas que se inscriban nelas, simplificándolles a posterior realización dun estudo pormenorizado das candidaturas. Ademais, as empresas con sede no termo municipal teñen á súa disposición un apartado específico para publicitar os seus servizos e actividades.

 

Cabe salientar que a web tamén está aberta a calquera cidadán que desexe presentar unha oferta de emprego, estando esta opción especialmente deseñada para aqueles particulares que demandan servizos de limpeza no fogar, xardinería, coidado a persoas dependentes no propio domicilio, etc.

 

A día de hoxe a cifra de usuarios da plataforma supera os setecentos ao estar rexistrados 477 perfiles de persoas demandantes de emprego e tamén 255 particulares e empresas que utilizan a ferramenta para dar a coñecer os seus produtos e servizos ou para presentar ofertas de traballo. Nestes momentos o número de ofertas de emprego vixentes no portal ascende a 62, salientando entre elas os sectores téxtil, construción, hostalería, administración e atención a persoas dependentes.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress