Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Domingo, 10 de febrero de 2019 | Leída 11 veces

O Concello presenta á Xunta un proxecto para dotar dun novo sistema de seguridade ao parque empresarial

Inclúe a instalación de cámaras de gravación permanente e conexión á central perceptora de alarmas. Estaría ao servizo da Policía Local da Laracha. O orzamento é de 120.000 euros...

O parque empresarial da Laracha é unha das áreas industriais con maior potencial de desenvolvemento no norte da provincia da Coruña polo seu estratéxico emprazamento, características do terreo e a cobertura en servizos que oferta ás sociedades que se implanten nese ámbito. A súa ocupación xa se sitúa en torno ao setenta por cento da superficie.

 

O Concello da Laracha realizou nos últimos anos unha serie de actuacións dirixidas a mellorar as infraestruturas viarias no parque empresarial e tamén está a construír actualmente o viveiro de empresas municipal.

 

Agora o Concello da Laracha promove un novo proxecto, neste caso dirixido a instalar un sistemas de seguridade con conexión á central perceptora de alarmas e con cámaras de vídeo vixilancia con gravación permanente. A actuación centraríase nesta primeira fase nas zonas que presentan un maior nivel de ocupación e tamén nos puntos de acceso e saída ao parque empresarial.

 

Ditos sistemas de seguridade estarían ao servizo da Policía Local da Laracha e cumpren estritamente co estipulado na Lei Orgánica 4/1997, de 4 de agosto, pola que se regula a utilización de videocámaras polas forzas e corpos de seguridade do estado.

 

O proxecto deseñado polo Concello da Laracha está valorado en 120.000 euros e foi presentado á Consellería de Economía, Emprego e Industria da Xunta de Galicia ao abeiro do programa de axudas encamiñadas á mellora das infraestruturas dos parques empresariais galegos.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress