Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Viernes, 8 de febrero de 2019 | Leída 13 veces

O Concello solicita participar en diferentes convocatorias da Xunta e Deputación

Así foi acordado onte pola Xunta de Goberno Local. As propostas céntranse na creación de emprego e na prestación de servizos sociais...

Na reunión ordinaria da Xunta de Goberno Local celebrada onte o Concello da Laracha acordou solicitar a súa participación en diferentes programas convocados pola Xunta de Galicia e a Deputación Provincial da Coruña co propósito contratar persoal e cofinanciar a prestación de servizos sociais.

 

Así, o goberno local autorizou a aceptación das bases e a adhesión ao programa provincial de financiamento dos servizos sociais comunitarios para o exercicio 2019. O Concello da Laracha pretende acollerse a dúas liñas de axudas, en concreto as relacionadas co cofinanciamento dos gastos de parte do persoal administrativo e técnico adscrito a ese departamento e, tamén, do servizo de axuda no fogar por libre concorrencia.

 

Por outra banda, o Concello tamén presentará sendas propostas para acollerse a programas de contratación de persoal promovidos pola Consellería de Economía, Emprego e Industria da Xunta de Galicia. Un deles é convocatoria de axudas para o fomento do emprego e a mellora da empregabilidade no ámbito de colaboración coas entidades locais, a través da que se pretende contratar dous socorristas para prestar servizo na temporada de verán na praia de Caión.

 

O outro programa é referido á contratación temporal de persoas en situación de risco de exclusión social e perceptoras da renda de integración social de Galicia (RISGA). O Concello propón crear, por medio desta liña de axudas, un equipo de mantemento de espazos medio ambientais durante un período de nove meses. 

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2019 • Todos los derechos reservados
Powered by FolioePress