O BNG solicitará na vindeira sesión plenaria que se activen os procedementos que marca a lexislación vixente para aprobar canto antes un protocolo en que o obxectivo xeral sexa definir o marco de actuación en relación cos casos de acoso psicolóxico ou moral no traballo, discriminatorio, sexual e por razón de sexo, coa finalidade explícita de erradicar este tipo de condutas no Concello de Arteixo.

O protocolo que se aprobe será de aplicación a todas as persoas empregadas públicas do Concello de Arteixo, en todos os niveis da súa organización e calquera que sexa a súa denominación (áreas, servizos, centros) e para todos os seus colectivos e niveis xerárquicos. Do mesmo xeito habería tamén que contemplar a posibilidade de situacións de acoso entre persoal municipal e o persoal de empresas externas que traballen para a administración.

O BNG considera urxente que se aprobe canto antes no Concello de Arteixo e que se contemplen todos os casos que marca a lei para dotar de seguridade a traballadoras e traballadores e que teñan claro como proceder diante dos diferentes casos de acoso: acoso psicolóxico ou moral no traballo (mobbing); Acoso discriminatorio; Acoso sexual e acoso por razón de sexo etc.

“Consideramos importantísimo que se faga dun xeito inmediato coa participación de todos e todas e que se aplique de xeito inmediato e coas máximas garantías” indicou Silvia Seixas  “Temos coñecemento de un descontento importante entre o persoal por presións, cambios sen ton nen son, modificacións de funcións etc e nalgún caso con denunicias e iso non pode permitirse en ningunha circunstancia” sinalan desde o BNG.

Lexislación

• Ley Orgánica 3/2007, de 22 de marzo, para la igualdad efectiva de mujeres y hombres. (art. 7,14,27,46,48,51,62 e disposicións adicionais 5,6,8,11 e finais 6).

• Decreto lexislativo 2/2015, 12 de febreiro, polo que se aproba o texto refundido das disposicións legais da Comunidade Autónoma de Galicia en materia de igualdade (art. 2,5,32,55,56,57,58,59,61,62,63, 64).

• Lei 2/2014, do 14 de abril, pola igualdade de trato e a non discriminación de lesbianas, gays, transexuais, bisexuais e intersexuais en Galicia ( art. 3).

• Constitución: artigos 10, 14, 18 , 35 e 40, en canto sinala como dereitos fundamentais dos cidadáns a dignidade da persoa, a igualdade e á non discriminación por razón de sexo e específicamente no ámbito das relacións de traballo, a integridade física e moral e o dereito á honra, á intimidade persoal e familiar e á propia imaxe, así como encomenda aos poderes públicos o velar pola seguridade e hixiene no traballo.

• Real Decreto Lexislativo 5/2015, do 30 de outubro, Texto Refundido do Estatuto Básico do Empregado Público, artigo 95.2, en canto tipifica como falta moi grave os distintos tipos de acoso polo que se refire ao ámbito das relacións funcionariais; e o artigo 4 e 54 do Real Decreto Lexislativo 2/2015, do 23 de outubro, de 13 Texto Refundido do Estatuto dos Traballadores, en canto se refire ao ámbito das relacións laborais. Así mesmo, o disposto nos artigos 14 e 15 da Lei 31/1995, do 8 de novembro, de Prevención de Riscos Laborais, dereito á protección contra os riscos laborais e principios da acción preventiva.