Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Sábado, 4 de agosto de 2018 | Leída 20 veces
Deputación da Coruña

Deputación e Cogami promoven a inserción laboral das persoas con discapacidade cun novo programa

A Deputación da Coruña e a Confederación Galega de Persoas con Discapacidade (Cogami) asinaron onte pola mañá un novo convenio de colaboración co ánimo de facilitar a inserción laboral das persoas con discapacidade...

[Img #46358]O deputado e responsable da área de Promoción Económica e Emprego, Xosé Luís García, e o vicepresidente de Cogami, Ramón Sestayo, asinaron onte pola mañá un convenio de colaboración polo que a institución provincial contribuirá con 90.686 euros ao financiamento do “Programa de Intermediación Laboral” que anualmente organiza a entidade sen ánimo de lucro.

 

A Deputación da Coruña consignou unha partida económica que ten por obxectivo impulsar un programa no que se inscriben anualmente máis de 12.000 persoas da provincia da Coruña como demandantes de emprego. Así, a iniciativa ten por obxecto orientar, formar e realizar actividades que potencien a contratación de persoas con discapacidade.

 

Tras a sinatura do convenio, o responsable da área de Emprego da Deputación da Coruña, Xosé Luís García, puxo en valor “o grande traballo que realiza Cogami en toda a provincia”, e sinalou que colaborar con esta entidade “é unha obriga”, de acordo a trascendencia en materia de integración social das persoas con discapacidade, que deriva dos servizos que presta.

 

Pola súa parte, o vicepresidente de Cogami, Ramón Sestayo, explicou que o Programa de Intermediación Laboral conseguíu o pasado ano que 916 persoas con discapacidade atopasen emprego na provincia da Coruña, e que, entre os meses de xaneiro e xullo do presente ano, outras 272 pasaran a incorporarse ao mercado laboral.

 

Sestayo agradeceu a colaboración da Deputación da Coruña neste programa de inserción laboral, dado que “incide nun dos ámbitos onde as persoas con discapacidade presentan unha maior vulnerabilidade”, apuntando que a tasa de paro “case triplica” á da poboación xeral.

 

Así, pechou a súa intervención apuntando que “é necesario seguir actuando neste ámbito”, pois, o “emprego é fundamental para a inserción social, autonomía e empoderamento das persoas con discapacidade”.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress