Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Sábado, 2 de junio de 2018 | Leída 88 veces

A ruta de tapas ‘Caión a Bocados’ abre a temporada de verán

Celebrarase do venres 8 ao domingo 10 de xuño. Seis establecementos hostaleiros ofrecerán elaboracións con produtos do mar ao prezo de 1 euro. Haberá ruadas nocturnas e teatro de rúa para amenizar as xornadas. Os consumidores participarán en sorteos de regalos doados polas empresas colaboradoras...

[Img #45830]

 

A primeira edición da ruta de tapas ‘Caión a bocados’ presentouse onte no Arquivo da Pesca desa localidade costeira coa presenza de membros do goberno local do Concello da Laracha –organizador - e de representantes dos seis locais participantes nesta novidosa iniciativa coa que se abrirá a temporada de verán para os sectores turístico e hostaleiro.

 

‘Caión a bocados’ celebrarase na próxima fin de semana, do venres 8 ao domingo 10 de xuño. Os establecementos que forman parte do programa (Café Bar Zarra, Restaurante O’Muíño, Restaurante Porta Caeli, Restaurante Parrillada Beiramar, Café Asteria e Furna Atlántica) ofrecerán ao público elaboracións realizadas con produtos do mar ao prezo de un euro o venres (de 20:00 a 23:30 h) o sábado (de 12:30 a 14:30 e de 20:00 a 23:30 h) e o domingo (de 12:30 a 14:30 h).

 

Para amenizar as xornadas, o venres e o sábado haberá ruadas nocturnas a cargo da Asociación Cultural Queiroga de Paiosaco e o domingo a mediodía, teatro de rúa na praza Eduardo Vila Fano con Saaabor!, un espectáculo familiar da compañía Culturactiva e protagonizado polos actores Fran Rei e Félix Rodríguez. Ademais, os consumidores que degusten as tapas participarán no sorteo de agasallos doados por empresas colaboradoras.

 

José Manuel López Varela, alcalde do Concello da Laracha, mostrouse satisfeito pola posta en marcha desta “iniciativa que tiñamos moitas gañas de facer en Caión” e agradecido aos hostaleiros porque “sen a implicación do sector non se podería levar a cabo”. O rexedor local considera que “por tratarse do arranque do verán esta é unha data ideal para atraer turistas e visitantes e que vexan as oportunidades e os bo servizo que se ofrecen en Caión”. López Varela concluíu desexando que ‘Caión a bocados’ sexa un éxito e sirva tamén como primeira experiencia para o futuro desenvolvemento doutras iniciativas que axuden a “desestacionalizar a oferta turística e que Caión se converta nun punto de referencia turística e gastronómica tamén fóra do verán”.

 

[Img #45834]

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress