Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Jueves, 31 de mayo de 2018 | Leída 15 veces

O Concello mellorará a accesibilidade na sinalización dos recursos e portal turísticos

Coa colaboración económica da Axencia de Turismo de Galicia. A web de turismo será adaptada para persoas con diversidade funcional. Nos principais puntos turísticos serán instaladas mesas informativas con sinalización en releve-braille...

O Concello da Laracha desenvolverá un proxecto dirixido a facilitar o acceso á información turística municipal ás persoas con diversidade funcional. Farase coa colaboración económica da Axencia de Turismo de Galicia –dependente da Presidencia da Xunta de Galicia- ao abeiro do programa de axudas ás entidades locais deste ano 2018 para a realización de melloras nas infraestruturas turísticas.

 

O proxecto deseñado polo Concello da Laracha ten dúas liñas de actuación. Por unha parte será actualizada a páxina web de turismo municipal (www.alarachaturismo.gal) para facela máis accesible adaptándoa ás necesidades dos usuarios que presenten algún tipo de discapacidade sensorial. Entre as melloras que serán incorporadas cabe salientar a implantación de ferramentas que locuten o contido da web, facilitar que os internautas poidan ampliar o tamaño da fonte das letras e, entre outras, establecer unha versión do portal con cores de alto contraste.

 

Por outra banda contémplase a colocación de mesas interpretativas (paneis inclinados) e sinalización turística accesible con información en releve-braille en diferentes puntos do municipio que son frecuentados por turistas e visitantes. Ademais, á sinalización existente na actualidade serán incorporados códigos QR para ampliar a información ofrecida por medio do emprego dos smartphones.

 

O Concello da Laracha e a Axencia de Turismo de Galicia investirán en total 15.000 euros neste proxecto co que se afonda na innovación das canles de comunicación ao turista empregando a tecnoloxía e a conectividade para ofrecer proximidade e axilidade na resposta, especialmente ás persoas con diversidade funcional. A accesibilidade nestes servizos contribuirá á mellora da calidade dos produtos turísticos, ademais de aumentar a competitividade do destino, polo que a actuación forma parte das estratexias municipais para un turismo sustentable e responsable.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress