Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Martes, 13 de marzo de 2018 | Leída 13 veces

A Xunta preguntará a opinión dos usuarios sobre o Plan de entrada dos autobuses metropolitanos ao centro da Coruña

O Goberno galego efectuará desde hoxe 200 enquisas personalizadas na estación de autobuses e Entrexardíns. Os cuestionarios tamén se distribuirán nos autobuses, para que as completen os usuarios, e estarán dispoñibles na web da Consellería de Infraestruturas e Vivenda ou nas redes sociais das empresas de transporte. A Xunta xa levou a cabo estudos que indican que máis do 20% dos usuarios das case 30 liñas que xa acceden ao centro urbano empregan as novas paradas para subir e baixar do autobús. O Plan é unha iniciativa do Goberno galego que ten por obxectivo responder a unha demanda dos veciños da comarca, incentivando o fomento do uso do transporte público para reducir a contaminación e contribuír á fluidez de tráfico...

A Consellería de Infraestruturas e Vivenda realizará desde hoxe e durante esta semana enquisas sobre o Plan de entrada dos autobuses metropolitanos ao centro da Coruña co fin de coñecer o nivel de satisfacción dos usuarios e continuar a mellorar o transporte público na comarca.

 

A Xunta, catro meses despois da posta en marcha do plan e coa segunda fase tamén activa, efectuará 200 enquisas personalizadas a partir de mañá na estación de autobuses e Entrexardíns.

 

Estes cuestionarios tamén se distribuirán no interior dos autobuses, para que as completen os viaxeiros que así o desexen, e estarán dispoñibles na páxina web da Consellería de Infraestruturas e Vivenda, no enlace https://goo.gl/jGZYg5, ou nas redes sociais das empresas de transporte implicadas nas fases xa activas do Plan.

 

O Goberno galego xa levou a cabo estudos que indican que máis do 20% dos usuarios das 30 liñas que entran e paran no centro empregan as novas paradas para subir e baixar do autobús.

 

Cómpre lembrar que o pasado 26 de febreiro entraba en funcionamento a segunda fase deste plan coa que os autobuses dos corredores de Arteixo e Carballo acceden ao centro urbano con paradas na Praza de Pontevedra/ Juan Florez, Entrexardíns, Praza de Ourense, Costa da Palloza e Estación de autobuses.

 

Esta iniciativa permite chegar ao centro 17 liñas interurbanas máis que acumulan preto de 900.000 viaxes ao ano. O obxectivo do plan é facilitar os desprazamentos aos usuarios grazas a un maior número de liñas que poidan ter acceso todos os días e durante todo o día, ao centro urbano da Coruña.

 

O Plan de entrada dos autobuses interurbanos ao centro da Coruña é unha iniciativa da Xunta de Galicia que ten por obxectivo responder a unha demanda dos veciños da comarca, incentivando ao mesmo tempo o fomento do uso do transporte público, para reducir a contaminación e contribuír á fluidez de tráfico.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress