Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Domingo, 25 de febrero de 2018 | Leída 20 veces

A terceira edición do concurso A Laracha de tapas celebrarase do 9 ao 11 de marzo

Están convidados a participar todos os locais de hostalería da capital municipal. As elaboracións deben ser orixinais, feitas con produtos locais e ofrecerse ao público ao prezo de 1 euro. Haberá premios do xurado popular (clientes) e profesional...

A Laracha de tapas volverá na fin de semana do venres 9 ao domingo 11 de marzo coa terceira edición deste certame que o Concello da Laracha organiza co obxectivo esencial de dinamizar o tecido comercial e hostaleiro do municipio, ademais de poñer e valor os produtos locais e o sector da restauración.

 

O Concello da Laracha realizou unha campaña para informar individualmente a todos os establecementos hostaleiros da capital municipal sobre a posibilidade de apuntarse e participar no evento. O prazo de inscrición rematará o mércores da semana que vén, día 28 de febreiro.

 

Tal e como estipulan as bases do certame, cada establecemento participante presentará unha única tapa orixinal, deseñada especificamente para o concurso, que deberá ter a disposición do público ao prezo de 1 euro (consumición aparte) nos seguintes horarios:

 

  • Venres 9: de 20:00 a 00:00 horas.
  • Sábado 10: de 11:30 a 15:00 horas e de 19:00 a 00:00 horas.
  • Domingo 11: de 11:30 a 15:00 horas.

 

Todas as tapas terán un nome descritivo e serán elaboradas de xeito artesanal, incluíndo canda menos un produto galego autóctono de calidade.

 

A Laracha de tapas conta con dúas categorías de galardóns. O premio do xurado popular á mellor tapa está dotado con 200 euros e será decidido directamente polos clientes. Cada establecemento terá a disposición do público urnas pechadas e as papeletas para emitir as votacións, que deberán estar debidamente cubertas e contar co selo de tres locais, xa que para votar é imprescindible ter degustado tres tapas diferentes. A organización realizará, tamén, un sorteo de agasallos no que participarán automaticamente todos os clientes que voten á súa tapa favorita.

 

A categoría do xurado profesional contará cun primeiro (300 euros) e un segundo premio (250 euros). Os seus membros, seleccionados polo Concello, acudirán identificados a cada local para degustar as tapas, valorar e seleccionar as mellores creacións.

 

Para facilitar o desenvolvemento das tres xornadas do evento A Laracha de tapas e a información que se ofrecerá ao público, o Concello distribuirá un mapa de localización de todos os establecementos participantes, indicando as tapas que se ofrecen en cada un deles e o seu emprazamento.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress