Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Domingo, 4 de febrero de 2018 | Leída 13 veces

A Laracha acollerá un curso oficial de monitor de actividades de tempo libre

Será impartido pola Escola Galega de Tempo Libre. A fase teórico-práctica desenvolveranse de marzo a xuño durante as fins de semana. Os veciños empadroados no municipio terán unha bonificación na cota de inscrición...

A Escola Galega de Tempo Libre, en colaboración co Concello, impartirá na Laracha entre os meses de marzo e xuño un curso oficial de monitor en actividades de tempo libre dirixido a persoas maiores de dezaoito anos de idade e que teñan, canda menos, os estudos de graduado en ESO ou equivalente.

 

Esta acción formativa de carácter presencial consta de dúas fases. A teórico-práctica terá unha duración total de duascentas horas e desenvolverase en instalacións municipais da Laracha todos os sábados e un domingo ao mes. No programa do curso inclúese temática relacionada coas áreas psicosociolóxica, animación e xogos, saúde, lexislación, técnicas de acampada e educación ambiental.

 

A fase práctica consistirá en 150 horas ou catorce días de actividade en programas de tempo libre. O Concello da Laracha facilitará a realización das prácticas aos participantes durante o desenvolvemento das actividades e campamentos de verán municipais.

 

Os alumnos que completen de xeito óptimo esta acción formativa estarán en disposición de obter o título oficial, xa que a Escola Galega de Tempo Libre está recoñecida pola Xunta de Galicia como entidade para a formación e titulación de monitores e directores de actividades de tempo libre e especialistas en campos de traballo.

 

O prazo de inscrición xa está aberto e debe formalizarse acudindo á Casa do Concello. Na web www.escolagalegadetempolibre.es tamén se pode ampliar información ao respecto.

 

Todos os veciños empadroados no Concello da Laracha que realicen este curso poderán favorecerse dunha bonificación na cota de inscrición.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress