Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Jueves, 1 de febrero de 2018 | Leída 17 veces

O Concello mellora a sinalización viaria nos tres núcleos urbanos e en estradas rurais

O proxecto afecta á Laracha, Paiosaco, Caión e a determinados puntos de Soandres, Montemaior e Cabovilaño. Contempla o repintado das marcas viarias e a renovación dos indicadores verticais. Invístense máis de 30.000 euros...

[Img #44495]

 

O Concello da Laracha está a desenvolver un amplo proxecto de mellora da sinalización viaria que afecta a diferentes puntos do termo municipal e que supón un investimento superior aos 30.000 euros.

 

Contémplanse actuacións  nos cascos urbanos da Laracha, Paiosaco e Caión, así como en estradas rurais das parroquias de Cabovilaño, Soandres e Montemaior. A finalidade é reforzar a información que se ofrece nestas vías e facilitar a súa percepción por parte dos condutores e dos peóns, xa que os ámbitos principais das actuacións sitúanse en zonas residenciais.

 

A sinalización horizontal prevista consiste no repintado das marcas viarias, cebreados, isletas e pasos para peóns, facendo especial fincapé nos cruces. É o caso do punto de confluencia entre a rúa Eusebio Bértoa Queijo e a Avenida Fisterra, no casco urbano da capital municipal, onde foron repintadas dúas sinais de stop ademais doutras marcas viarias.

 

A sinalización vertical inclúe a renovación de indicadores deteriorados e a instalación doutros novos nos puntos da rede de estradas que así o requiran.

 

Este proxecto, cofinanciado con fondos do POS+, é unha das actuacións desenvolvidas polo Concello da Laracha no marco do plan de mellora e mantemento da rede viaria, que se marca como obxectivo reforzar a seguridade e conservar en bo estado os máis de 600 quilómetros lineais de estradas públicas que existen no termo municipal.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress