Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Jueves, 16 de noviembre de 2017 | Leída 15 veces

Comezan os obradoiros de prevención que o CIM impartirá nos centros de ensino municipais

En total participarán preto de 186 alumnos e alumnas de primaria. A unidade didáctica está organizada en tres bloques: resolución de conflitos, habilidades sociais e mediación entre iguais. A Festa da Igualdade realizarse o 23 de novembro no pavillón do CEIP Otero Pedrayo da Laracha...

[Img #43794]

 

O Concello da Laracha, a través do Centro de Información ás Mulleres (CIM), comezou a desenvolver nesta semana nos centros de ensino os obradoiros de promoción da igualdade. Os contidos a abordar -organizados en tres bloques: resolución de conflitos, habilidades sociais e mediación entre iguais- foron previamente consensuados polo goberno local, técnicos municipais e representantes dos colexios da Laracha, Paiosaco e Caión, que precisamente hoxe volveron celebrar unha nova xuntanza de traballo para revisar a programación da 3ª Festa de Igualdade.

 

A finalidade xeral dos obradoiros é proporcionar ao alumnado as ferramentas que lle axuden a mellorar as súas habilidades interpersoais. Os obxectivos específicos do programa céntranse en dotar aos participantes de habilidades sociais para a resolución de conflitos, aprender a detectar os diferentes tipos de condutas (pasiva, agresiva e asertiva) e educar na resolución de situacións de risco de xeito positivo.

 

Durante as próximas semanas, ata as vacacións de Nadal, os 186 alumnos e alumnas de 5º e 6º de primaria participarán, en horario escolar, nestes obradoiros. Cada aula realizará catro sesións en total dunha hora de duración cada unha. A metodoloxía caracterizarase pola participación activa do alumnado (por medio de xogos e o emprego de material audiovisual), pero tamén pola súa reflexión crítica, o que permite facer dos obradoiros unhas experiencias dinámicas e lúdicas.

 

Á marxe deste programa, cabe lembrar que o xoves da próxima semana (23 de novembro), con motivo da conmemoración do Día Internacional contra a violencia de xénero, o Concello da Laracha organizará a anteriormente citada 3ª Festa da Igualdade, consistente nunha xornada de convivencia na que participarán alumnos de 5º e 6º de primaria dos tres colexios. Realizaranse actividades lúdicas e xogos cooperativos relacionados co respecto, a corresponsabilidade, a igualdade de oportunidades e a tolerancia cero coa violencia. Nesta ocasión o evento terá lugar no pavillón do CEIP Otero Pedrayo da Laracha.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2017 • Todos los derechos reservados
Powered by FolioePress