Aviso sobre el Uso de cookies: Utilizamos cookies propias y de terceros para mejorar la experiencia del lector y ofrecer contenidos de interés. Si continúa navegando entendemos que usted acepta nuestra política de cookies. Ver nuestra Política de Privacidad y Cookies
Jueves, 28 de septiembre de 2017 | Leída 64 veces

Ábrese o prazo de adhesión de establecementos ao Programa Reforma17 para a mellora de baños e cociñas en 2800 fogares

O Diario Oficial de Galicia publicou onte as bases reguladoras desta iniciativa que se convoca por terceiro ano consecutivo co obxectivo de mobilizar 20 millóns no sector da construción. As axudas públicas directas oscilarán entre un mínimo de 200 e un máximo de 1000 euros e farán posible que as familias conten con rebaixas de ata o 40% no custo de produtos e mobiliario, grazas aos descontos paralelos que farán os establecementos...

[Img #43308]

 

O Diario Oficial de Galicia publicou hoxe as bases do Reforma 17, impulsadas pola Consellería de Economía, Emprego e Industria, a través do Igape e en colaboración coa Asociación de Empresarios de Materiais para a Construción (Asemaco), co obxectivo de facilitar a modernización de cociñas e baños en 2800 fogares galegos e dinamizar, ao mesmo tempo, a actividade e o emprego entre as pemes e os autónomos da construción.

 

As entidades colaboradoras –establecementos de distribución de materiais de construción– poden adherirse ao Reforma 17 a partir de mañá e durante dez días, e os particulares interesados en acollerse ao programa para reformar cociñas ou baños poderán presentar as súas solicitudes, sempre a través das empresas adheridas –que o farán de forma telemática–, desde o 11 de outubro e ata o 17 de novembro próximos.

 

O programa Reforma 17 convócase por terceiro ano consecutivo para que os beneficiarios poidan obter rebaixas do 40% nos custos de produtos e mobiliario de cociñas e baños en fogares galegos, dado que ao 20% que aporta a Xunta en axuda directa se suma outro desconto do 20% a facer polas empresas adheridas ao programa. A previsión é que esta terceira edición permita mobilizar 20 millóns de euros no sector.

 

Como na anterior edición, o custo mínimo dos produtos adquiridos ao abeiro do Reforma 17 será de 1000 euros, e as axudas públicas oscilarán entre un mínimo de 200 e un máximo de 1000 euros.

 

O programa, que estimula a demanda e o emprego entre as pequenas empresas e os autónomos do sector da construción, facilitou nos dous últimos anos obras de modernización en máis de 7000 fogares galegos, mobilizando arredor de 50 millóns de euros. Ao peche do Reforma 17, as axudas terán facilitado a renovación de cociñas e baños en 10.000 fogares galegos, cunha mobilización estimada en 70 millóns de euros.

 

Coa nova edición deste programa, a Consellería de Economía, Emprego e Industria proponse seguir impulsando a dinamización das empresas de materiais de construción, que viron reducida a súa actividade e facturación como consecuencia da crise que afectou principalmente ao sector inmobiliario.

¡Deje su comentario!
Normas de Participación
Esta es la opinión de los lectores, no la nuestra.
Nos reservamos el derecho a eliminar los comentarios inapropiados.
La participación implica que ha leído y acepta las Normas de Participación y Política de Privacidad
El Noticiero de Arteixo • Términos de usoPolítica de PrivacidadMapa del sitio
© 2018 • Todos los derechos reservados
Powered by FolioePress