Silvia Seixas: o PP de Arteixo sube as taxas das actividades e da escola infantil para pagar os seus caprichos...

O BNG de Arteixo denuncia que o grupo de goberno do PP modificará no vindeiro pleno as taxas tanto da escola infantil coma das actividades deportivas,culturais e sociais incrementando o prezo para os usuarios e usuarias. “ Nunha situación como a actual o que debería facer o goberno municipal e deixar os prezos como están sobre todo cando eles incrementaron os seus salarios en máis de 277.000 euros”.

Os prezos das actividades culturais, deportivas e socias increméntanse unha media dous,tres, cinco e até 28 euros as escolas de recuperación funcional “ esta é a súa política a de saquear aínda máis o peto dos veciños e das veciñas”

Por outra banda a voceira do BNG indicou “ que moi ao contrario do que din en declaracións aos medios de comunicación os cambios que fan na ordenanza fiscal da escola infantil o que farán e que máis xente pague a pesares de que cada día a economía familiar está peor. Un concello que se dedica a contratar estudios e obras millonarias moitas delas innecesarias (véxanse os máis de 100.000 euros nunha oficina de turismo que valía perfectamente como estaba; o pago de teléfonos móbiles o incremento de membros do PP nas mesas de contratación, a contratación dunha empresa de comunicación que vai levarse máis de 42.000 euros das arcas municipais, pagar un logo con 17.000 euros.....) non pode estar saqueando agora á cidadanía de Arteixo”

 Por outra banda na Ordenanza das actividades  que se pretende aprobar no pleno do martes  non se contemplan reducción de prezos polos ingresos familiares polo que unha familia con ingresos mínimos pagará o mismo que outra persoa con ingresos cuantiosos. Ao igual que pasa na Ordenanza da Escola da que quitan a reducción do pago da matrícula segundo os ingresos e igualan a cantidade para todos e todas ( 95 euros)

Silvia Seixas considera  vergoñento  que hai uns meses presentara o BNG unha moción pedindo que non se incrementaran os prezos dos servizos na escola infantil e o goberno do PP votou en contra “esa é a súa política a de pasar dos problemas reais da xente e dedicarse as festas e as comidas”.