Venceu na final a Peisaco Suiza nos penaltis tras empatar a 1 no tempo regulamentario. San Román venceu a Estramil no encontro polo terceiro posto...

San Román Veteranos proclamouse campión da edición de 2012 do Campionato de Peñas de Fútbol da Laracha, nun encontro disputado no Campo Municipal da Laracha o pasado sábado ante o conxunto Peisaco Suiza e que se decidiu nos lanzamentos de penalti tras rematar os 90 minutos regulamentarios con empate a 1 gol no marcador.

O partido comezou co ritmo alto que fixaba San Román Veteranos, o claro dominador dos primeiros compases. Moi pronto chegaba o 1-0, obra de Bechi aos dez minutos. Peisaco Suiza non tardou en respostar e Adonis facía aos 25 minutos o gol do empate.

Desde ese momento o encontro foi moi igualado, con notable esforzo físico no centro do campo en ambos conxuntos e coas defensas impoñéndose aos ataques, sen permitir que se creasen demasiadas ocasións claras de gol.

Nos penaltis foi decisiva a excepcional actuación do porteiro do San Román Veteranos, Cotelo, que detivo tres dos catro lanzamentos do conxunto rival para darlle o título ao seu equipo.

No encontro polo terceiro e cuarto posto, o outro conxunto da parroquia de Cabovilaño, San Román, impúxose a Estramil por 2-1 con dous goles de Zeus. Rubén Paz fixo o único tanto do cadro da parroquia de Torás.


SAN ROMÁN VETERANOS: Cotelo, Juan Carlos, Marcos, Rizos, Marcelino, Sergio, Nacho, Amorrortu, Montero, Bechi e Santi. Tamén xogaron: Lolo, Pedreira, Fronteras, Sebas e Pedro.

PEISACO SUIZA: Rúas, Darío, Kasul, Javi Blanco, Cabezas, Fabeiro, Cachizo, Otero, Javi Erboedo, Richu e Adonis. Tamén xogaron: Sevilla, Daniel, Bolón, Pedro, Calculín e Chicho.

Goles:  1-0, min 10: Bechi. 1-1, min 25, Adonis.

Penaltis: 3-1