As actividades desenvólvense desde a semana pasada até mediados de maio...

A Concellalía de Cultura de Carral celebra o Día do Libro  durante todo o mes cun programa de actos que se desenvolve na Biblioteca Infantil e na Biblioteca Muncipal da Casa da Cultura. Así,  hoxe pola mañá  e  o venres  a Biblioteca  Infantil de Carral  recibe a visita dos  os nenos de educación infantil das unitarias de Tabeaio, Herves e do colexio Víctor Velasco e Vicente Otero están a participar nunha sesión de  contacontos da Compañía do Trinke Trinke  coa función Letras Ovos e Galiñas coa ratiña Lupiña e os contos,  Sal del cascarón, pollito , O Galo  Kiriko  e  El huevo más bonito del mundo.  O  luns asistiron a estas sesión de contacontos os alumnos da escola infantil A Galiña Azul.

O  venres na Biblioteca Pública Municipal, na casa da Cultura, ás 17:00 horas haberá un obradoiro no que se confeccionarán divertidos marca páxinas cos monitores de Eduvía e  a xornada rematará cunha merenda  para todos. Tamén haberá unha sesión de cine coa proxección da película Cisne Negro, será a partir das 20:00 horas na sala de audiovisuais da Casa da Cultura.